Albkonfindustria dhe Ministria Energjitikës dhe Industrisë (MEI) organizuan të martën në Tiranë, Expoforumin “Projektet lider dhe modelet e reja te menaxhimit te sektoreve strategjike Shqiperi & Kosove”.
Të pranishëm në këtë aktivitet ishin ministri i Energjitikës dhe Industrisë Damian Gjiknuri, homologu i tij kosovar Blerand Stavileci, ministri kosovar i Diasporës Valon Murati, Shkelqim Bozgo, menaxher i TAP, Gilberto Callera, President, i Këshillit Botëror të Energjisë, si dhe personalitete të tjere të fushës, vendas dhe të huaj.
Ministri Gjiknuri, duke marrë fjalën u shpreh për rëndësinë strategjitike të projekteve energjitike midis Shqipërisë dhe Kosovës, në zhvillimin ekonomik të të dy vendeve.
“Ecuria e bashkëpunimit Shqipëri-Kosovë, deri tani është pozitive. Ndërsa një ndër projektet me rëndësi mes dy vendeve, është linja e interkonjeksionit “- tha Gjiknuri.
Kreu i Energjitkës vuri në dukje se aktualisht po bëhen studime fizibiliteti të përbashkëta midis Shqipërisë dhe Kosovës, për realizuar me suksese bashkëpunimin energjitik midis dy vendeve.
“Shqipëria dhe Kosova tha ai, kanë kapacitete rigjeneruese në fushën energjitike, ndërsa ambicjet e zhvillimit të këtij sektori kalojnë edhe në planin e bashkëpunimit rajonal, Shqipëri, Kosovë, Mal i Zi, e Kroaci”.
Duke u ndalur në zbatimin e projektit TAP, Gjiknuri tha se gazifikimi është një mundësi e re përfituese për Shqipërisë.
“Ne synojmë të vëmë në punë TEC-in e Vlorës tha ai, ndërsa shpjegoi se, kemi siguruar fondet për studimin e fizibilitetit madje shumë shpejt do të kemi siguruar fondet për studimin e fizibilitetit dhe do të kemi mundësinë e afrimit të partnerëve privatë”.
“Synimi yne tha Gjiknuri, eshte që të gjejmë një operator privat nëpërmjet partneritetit publik privat që të marrë përsipër vënien në punë, riparimin, investimin e nevojshëm për konvertimin me gaz, te TEC-it Vlore megjithëse ato punojnë edhe me naftë edhe me gaz”.
Pra do të kemi mundësi që edhe këtë TEC ta vëmë në funksion të sektorit elektroenergjitik shqiptar, vijoi ai.
Gjatë fjalës së tij, ministri Gjiknuri nënvizioi faktin e ecurisë pozitive dhe të qëndrushme që po ndjek sektori energjik në vend, pas shumë vështirësive që barti nga keq menaxhimi i qeverisë së kalaur.
Ndërsa tani tha Gjiknuri ky sektor ka hyrë në fazën e stabilizimit dhe investime konkrete zhvillimore në drejtim të rritjes së shërbimit të konsumatorit dhe kontributit në ekonominë e vendit.
Ndresa Menaxheri per Shqiperine, i Projektit TAP, Shkëlqim Bozgo duke folur per impaktin qe do te kete projekti i gazsjellësit TAP ne Shqiperi, tha se nga zbatimi i tij, pritet të punësohen rreth 2 mijë persona, ndersa aktualisht janë 1 mijë të punësuar te tjere.
Bozgo tha se, ky projekt pritet të ketë impakt shume pozitiv në ekonominë shqiptare ndersa pritet të sjellë në Shqipëri 1 mld euro. (javanews.al / r.a)
