Në zgjedhjet vendore të 30 qershorit do të shkohet me kodin aktual zgjedhor.
Kreu i Komisionit të Posaçëm për reformën zgjedhore, Damian Gjiknuri, tha se reforma zgjedhore do të jetë e vlefshme vetëm për zgjedhjet e ardhshme parlamentare.
Gjiknuri tha se do të bëjnë amendim për ti krijuar mundësi PD-së që përmes një vëzhguesi të propozojë ndryshime. Do të kenë edhe të drejtë vetoje.
“Pavarësisht se PD është jashtë parlamentit kanë të njëjtat të drejta”, tha ai.
Gjiknuri tha se e pret PD-në për Reformën Zgjedhore deri më datë 5 maj.
“Presim PD për Reformën Zgjedhore deri më datë 5 maj. Nëse PD propozon diçka pa cenuar Lokalet, Kodin e fusim në 30 qershor’. I ofrojmë PD-së një vëzhgues me të drejtat si bashkë- kryetari. Përfaqësuesi i PD-së do jetë me të drejtë propozimi dhe vetoje”, vlerësoi Gjiknuri.
Sakaq vota e emigrantëve dhe çështjet e financimeve të partive politike do diskutohen pas zgjedhjeve vendore.
Partia Socialiste i ka dorëzuar zyrtarisht kërkesën për zgjatjen me tre muaj(deri më 5 maj) të afatit të Komisionit të Posaçëm për Reformën Zgjedhore.
Në kërkesën që mban firmën e kreut të grupit parlamentar socialist Taulant Balla kërkohet gjithashtu caktimi i Damian Gjiknurit si bashkëkryetar i Komisionit të reformës dhe Blerina Gjylametit anëtare.
g.kosovari
