Ministri i Infrastrukturës Damian Gjiknuri ka zhvilluar në bashkëbisedim me gazetarët për zhvillimeve në Rrugën e Kombit ku protesta degradoi deri në shkatërrimin e sporteleve të pagesës së tarifës.
Ai deklaroi se dëmi i shkaktuar është miliona euro, edhe pse nuk është bërë një përllogaritje e saktë. Gjiknuri deklaroi se dëmet e shkaktuara do të rëndojnë mbi xhepin e të gjithë taksapaguesve.
“Një grup i vogël njerëzish të nxitur nga zjarrvënësit e Tiranës shkatërruan pronën publike. Njerëzit ndaluar nga policia janë njerëz me precedentë kriminalë që thjesht janë të xitur e manipuluar politkisht nga ata që i harruan çështjet e tjera. Ata qëllim kanë të vijnë në pushtet përmes formave të tjera, duke destabilizuar vendin.
Nga një vlerësim paraprak dëmi shkon në disa miliona euro. I gjithë ai investim është investim që i takon shtetit shqiptar, publikut shqiptar. Fateqësisht dëmi i shkaktuar i dhemb gjithë shqiptarëve të tjerë.
Mbase mund të them se mund të ishte bërë më shumë për konsultimet dhe informimit, por nuk ishte gjë e panjohur, kontrata është bërë që në vitin 2016. Tarifa ka qenë e miratuar me kohë”, deklaroi Gjiknuri.
Ai deklaroi më tej se vetëm për mirëmbajtjen e rrugëve nevojiten 320 milionë euro në 5 vite. Gjiknuri tha se nëse nuk ndërhyhet në kohë për mirëmbajtjen e rrugëve rrezikohet amortizimi i tyre. Ai u ndal edhe te shembulli i rrugës Tiranë-Elbasan e cila ka pësuar dëmtime të shumta.
“Kjo rrugë duhet riveshur e gjitha me asfalt. Vetëm për riveshjen duhen 11 milionë euro”, tha ai./a.m.
