Duke e quajtur një sinjal të mirë, mbajtjen e tryesës së thirrur nga OSBE për Reformën Zgjedhore ku edhe opozita e bashkuar ishte e përfaqësuar në nivel teknicienësh, ish ministri Damian Gjiknuri dhe bashkëkryetari i komisionit të Reformës Zgjedhore tha se në vijim të deklaratave të PD, ai është gati të rishikojë pozicionin e tij në drejtim të komisionit, pra të japë edhe dorëheqjen pasi të komunikojë me kreun e PS Edi Rama.
“Unë jam aty te përfaqësoj interesat e PS, nuk kam pushtet të vecantë, vetëm rendin e fjalës madje edhe atë e kam të vështirë ndonjëherë. Unë jam i gatshëm ta rishikoj pozicionin tim, të gjithë politikanët akuzohen e rëndësishme është të përfaqësojme partitë tona politke e sa kohë jemi të lirë s’mund të kondicionohemi”, tha Gjiknuri.
Ndersa i pyetur per propozimin e bere sot nga perfaqesuesi i opozites ne tryeze, Ivi Kaso, qe procesi i reformes “të drejtohet nga një strukturë e përbërë nga përfaqësues të organizmave ndërkombëtarë (OSBE/ODIHR, BE, SHBA, etj.), një përfaqësues i Parlamentit monopartiak dhe një përfaqësues i Opozitës së Bashkuar”, Gjiknuri u shprej:
“Mekanizma jashtë sistemit parlamentar e vështirë të ketë sepse do miratohet ne fund nga Parlamenti, por nëse PD kërkon të kanalizojë propozimet e saj, ka mekanizma dialogu që ne nuk i refuzojmë apriori por duam të mësojmë më shumë c’ka kanë parasysh ata me këtë struykturrë të re”.
Gjinkuri në një pronocim për mediat menjëherë pas konferencës së thirrur nga OSBE ka thënë se prezenca e opozitës jo parlamentare në këtë tryezë është një sinjal dialogu.
“Opozita brenda parlamentit është aty, ashtu siç e tha edhe Hajdari se largimi ka qenë një çështje emocionale. Unë e kuptoj s tensionin që kanë opozita brenda dhe jashtëparlamentare. Tryeza është sinjali i parë i dialogut mes palëve. Mesazhi doli i qartë se PD ka vijuar interesimin. Ne duhet të kërkojmë dialog nga të gjitha palët. Vetë Parlamenti ka marrë parasysh edhe elementin e opozitës jashtëparlamentare. Ndërkombëtarët janë pjesë e këtij procesi dhe jam i bindur se edhe pjesëmarrje PD është shenjë pozitive”, tha ai.
g.kosovari
