Rubin Molla, 30 vjeç, rezident në Bellinzago dhe me origjinë nga Shqipëria është dënuar me 5 vjet e 4 muaj burg e 22 mijë euro gjobë për trafik të lëndëve narkotike. La Stampa shkruan se Molla që njihej me nofkën “gjiganti” për shkak të madhësisë së trupit të tij ka marrë dënimin nga Gjyakata, një vit e dy muaj pas arrestimit të tij, në maj të vitit 2020.
Molla lëvizte bashkë me të ëmën nga Bellinzago, përtej Ticinos, deri në Turbigo, për t’i shitur kokainë një familjeje mafioze që drejtonte tregun e ‘të bardhës’ në zonën e Varesottos e në Alto Milanese, me shtrirje deri në Emilia Romagna. Nëna e tij sot nuk dihet ku është, pasi autoritetet nuk e kanë jetur në shtëpinë ku ka deklaruar se banon. Mendohet se ajo është kthyer në Shqipëri ose ka ndërruar shtëpi.
Rubin Molla u kap gjatë operacionit “Boxes”, të zhvilluar në maj të vitit të kaluar. Atij bashkë me tetë të tjerë iu gjetën 15 kilogramëve kokainë e 330 mijë eurove. /m.j
