Ata nuk janë të krishterë, por kur panë kishën e San Rokos, në Popoli, në ato kushte mjerimi, nuk e menduan dy herë gjestin e tyre.
“Ne do të kujdesemi për të. Zoti është një, ai do të jetë i lumtur të shohë shtëpinë e tij të ngjajë më e bukur dhe mikpritëse”.
Një gjest i shkëlqyer solidariteti që vuri në lëvizje dy muratorë nga Shqipëria, por banues prej vitesh në Pratola Peligna. Që nga e premtja në mëngjes, Luan Hallulli dhe Arbert Muca u nisën për të punuar për rikonstruksionin falas të ambienteve të brendshme të kishës së San Rocco.
Historia e tyre po ben xhiron e mediave italiane, shkruan e përditshmja Il Centro.
Prej kohësh, vendi i shenjtë ishin lene ne harrese dhe lagështia kishte zene vend ne mure, suva që bien vazhdimisht në dysheme dhe besimtarët të detyruar të luten mes pluhurit dhe rrënojave.
Një ditë, Luan dhe Albert, kur kishin pushimin e drekës nga nje pune qe benin ne zone, hynë në kishë, dhe mbeten te habitur me gjendjen në të cilën ishte kisha.
“Ishte shkatërruar gjithçka,” thotë Luan, “plot vrima në mure dhe rrënoja në çdo cep. Unë i thashë Albertit: Ne duhet te bëjmë diçka dhe shkuam te furnizuesit tanë për të blerë produktet që përdorim për te rikonstruktuar ambientet e brendshme. Kur zonja që e mbanë kishën mbërriti, ishte shumë e lumtur dhe na tha: Zoti ju bekoftë, askush nuk kishte bërë kurrë diçka të tillë për kishën”.
Ata nuk e fshehin se jane muslimanë. “Sidoqoftë ne jemi njerez të Zotit”, pohon Alberti me bindje teksa shton se sipas tij “nuk ka asnjë lidhje me të qenit katolik, ortodoks ose mysliman, ne besojmë vetëm në një Zot dhe është ai që na udhëzon në atë që bëjmë”.
