Një atlet ukrainas ka vendosur të përcjellë një mesazh të fuqishëm kundër luftës gjatë garimit në Lojërat Olimpike Dimërore.
Vladyslav Heraskevych pasi përfundoi garën këtë të premte fokusoi te kamerat një letër në të cilën shkruante “Jo luftë në Ukrainë”.
“Është pozicioni im, sikur çdo person normal nuk dua luftë. Dua paqe në vendim tim dhe dua paqe në botë. Ky është pozicioni im, luftoj për të, luftoj për paqe. Në shtëpi, në Ukrainë është situatë e tensionuar, shumë lajme për armë, për ushtri rreth Ukrainës, pra nuk është në rregull. Jo në shekullin e 21-të”, deklaroi ai.
Komiteti Ndërkombëtar Olimpik i ndalon atletët për të bërë deklarata politikë në Olimpiada, por Heraskevych nuk mendon se do të dënohet për këtë gjest.
“Mendoj se Olimpiada lufton gjithashtu për paqe, për bashkim, kështu që shpresoj se Olimpiada të jetë me mua në këtë situatë”, tha ai.
