Në programin e emocioneve të mëdha, “E diela shqiptare” në Tv Klan, fjalët dhe veprat e dashurisë janë kryefjala e rubrikës “Ka Një Mesazh Për Ty”. Françeska është 10 vjeçe, por në një moshë kaq të vogël ka vendosur që flokët e saj, të cilët nuk janë prerë prej 3 vjetësh, të shkojnë për një kauzë të mirë.
Humbja e tezes së saj nga një tumor në tru u kthye në arsyen e këmbënguljes për të dhuruar flokët. Adriana, nëna e Françeskës, i dha bekimin së bijës, e cila duke qenë se këto flokë nuk mundi t’ia jepte tezes, do t’ia dhurojë një njeriu në nevojë.
Pasi u largua me Sezerin, parukierin e njohur turk që u kujdes për këtë proces, Françeska hyri në skenë me një model të ri flokësh mes shumë duartrokitjeve dhe emocioneve.
Siç bën të ditur Sezeri, për të prodhuar një paruke të mirëfilltë, nevojiten rreth 20 centimetra gjatësi flokësh, ndërsa në rastin e Françeskës ai ka prerë mbi 40 centimetra.
