Gjermania ka premtuar se do të udhëheqë ‘presidencën e koronavirusit’ për të ndihmuar shtetet evropiane për të kaluar pandeminë. Berlini është zotuar për një përgjigje të fortë ndaj urgjencës shëndetësore kur vendi të marrë përsipër presidencën e radhës të BE-së më 1 korrik.
Në një editorial për gazetën gjermane ‘Welt am Sonntag’, Ministri i Jashtëm Heiko Maas tha se shteti do të marrë presidencën e koronavirusit për të kaluar krizën e në sistemin shëndetësor dhe pasojat e saj.
Aktualisht, Presidenca e BE po mbahet nga Kroacia dhe çdo gjashtë muaj kalon tek një tjetër shtet anëtar.
Kur Gjermania të marrë presidencën, Maas tha se një prej qëllimeve do të jetë heqja në mënyrë graduale e kufizimeve të udhëtimeve, si dhe do të rrisë e të koordinojë lëvizjet në tregun e brendshëm.
Ai shtoi se nuk ka ende nuk ka një vaksinë apo ilaç, por solidariteti është jetik për të mposhtur virusin.
“Nuk është momenti për të pyetur se cili sistem është më i mirë, por duhet të bashkohemi së bashku në luftën kundër virusit”, tha Maas duke theksuar se nëse udhëheqësit e BE mësojnë nga kriza e koronavirusit, blloku do të dalë më i fortë dhe më i bashkuar se kurrë më parë.
/a.r
