Berlini është gati të stacionojë një brigadë ushtrie prej 4 mijë trupash në Lituani, në mënyrë të përhershme, në koordinim me planifikimin e mbrojtjes së NATO-s pas pushtimit rus të Ukrainës, tha të hënën ministri gjerman i mbrojtjes.
“Gjermania qëndron në angazhimin e saj si një anëtare e NATO-s, si ekonomia më e madhe e Evropës, për të mbrojtur krahun lindor”, tha Boris Pistorius gjatë një vizite në Vilnius të hënën, pa dhënë një afat kohor.
Ai tha megjithatë se si parakusht duhet të ketë infrastrukturën e nevojshme. Në të kaluarën, Berlini tha se Lituanisë do t’i duheshin vite për të siguruar kazerma, zona banimi për familjet, depo dhe terrene trajnimi.
“Ne jemi dakord që brigada të rritet hap pas hapi ndërsa infrastruktura të krijohet”, tha Pistorius, duke shtuar se një vendosje e tillë nuk mund të përfundonte brenda “disa muajsh”.
Dislokimi duhet të jetë gjithashtu në përputhje me planet rajonale të NATO-s, duke detajuar se si do t’i përgjigjej një sulmi rus, theksoi ministri.
Presidenti i Lituanisë, Gitanas Nauseda, tha se ai synonte që infrastruktura të jetë në vend deri në vitin 2026.
“Ne po thjeshtojmë procedurat…që të mund të finalizojmë ndërtimin e infrastrukturës deri në vitin 2026”, tha ai. “Por unë nuk do të zemërohem nëse ministri i Mbrojtjes do të finalizohet në 2025”./m.j
