Gjermania do të miratojë zyrtarisht dërgimin e sistemeve kundërajrore Gepard në Ukrainë. Lajmi u bë i ditur nga Johannes Vogel, një ligjvënës i lartë nga një prej partive të koalicionit qeverisës.
Kancelari gjerman, Olaf Scholz, i cili është përballur me kritika brenda dhe jashtë vendit për dështimin e qeverisë së tij për të dorëzuar armë të rënda në Ukrainë, ka premtuar dërgimin e armëve antitank dhe anti-ajror nga rezervat ushtarake gjermane, të cilat ai i përshkroi megjithatë si “armë mbrojtëse”.
Sipas Traktatit për Forcat e Armatosura Konvencionale në Evropë, armët e rënda u referohen të gjitha tankeve dhe mjeteve të blinduara dhe të gjithë artilerisë 100 mm e lart.
Avionët luftarakë dhe helikopterët luftarakë gjithashtu klasifikohen si armë të rënda, përcjell Albanian Post.
Gjermania më herët ka thënë se nuk është në gjendje të dërgojë më shumë ndihmë ushtarake në Ukrainë, sepse atëherë ajo nuk do të jetë në gjendje të përmbushë detyrimet e saj kombëtare dhe të NATO-s.“Këtu, tani duhet të pranojmë se opsionet që kemi po arrijnë kufijtë e tyre”, tha Scholz të martën.
Bundeswehr-i ka thënë se i duhen armët e tij të rënda për të garantuar detyrimet e mbrojtjes kombëtare dhe të aleancës.
Kjo vlen, për shembull, për automjetet luftarake të këmbësorisë Marder ose topan vetëlëvizës 2000, një armë artilerie e rëndë.
Scholz e detyroi kalimin e “gardhit” me vendim tankesh
Vendimi për të dërguar tanke gjermane kundërajrore direkt në Ukrainë është një ndryshim i madh në politikë. BBC shkruan se deri të hënën, figurat kryesore në partinë e qendrës së majtë SPD të kancelarit Olaf Scholz po e refuzonin ende idenë. Por pas presionit në rritje, si nga politikanët e opozitës ashtu edhe nga aleatët e koalicionit, Scholz është tërhequr.
Gjermania i furnizon Ukrainës më shumë armë sesa pranohet shpesh. Një pjesë e konfuzionit vjen nga deklaratat e kancelares për eksportet e armëve, të cilat shpesh janë të paqarta me qëllim, dyshojnë kritikët, për të mbajtur në krah ata politikanë të SPD-së që besojnë se armët e rënda përshkallëzojnë luftën. Me çdo vendim të ri për thyerjen e tabuve për armët, Scholz po detyrohet të largohet nga gardhi.
Gjermania ndryshon qasje, pozicionohet hapur krah Ukrainës, do të trajnojnë e ushtarët ukrainas
Gjermania do të trajnojë ushtarët ukrainas. Lajmi është bërë i ditur nga ambasadori gjerman, në takimin që po zhvillohet në bazën ajrore amerikane në Ramstein të Gjermanisë, ku pjesëmarrës kanë qenë më shumë se 40 vende pjesëmarrëse.
Ambasadorja e Gjermanisë në SHBA Emily Haber thotë se përveç dërgimit të tankeve kundërajrore në
Ukrainë, siç kemi raportuar, Gjermania do të trajnojë edhe ushtarë ukrainas në tokën gjermane.
Vlen të përmendet se kjo është një qasje e re e Gjermanisë pasi në të kaluarën është kritikuar për qëndrimin e saj ndaj sanksioneve kundër Rusisë./m.j
