Autoritetet gjermane theksuan sot se po hetonin rreth 2 000 shoqërive fantazëm të regjistruara në Maltë, të lidhura me grupet e mëdha gjermane dhe të dyshuara për mashtrime, pas marrjes së informacioneve në këtë kuadër.
“Në këtë listë ka filiale të ndërmarrjeve të mëdha gjermane”, deklaroi ministri i Financave të Shtetit rajonal të Rhenanie du Nord-Westphalie, Norbert Walter-Borjans.
Ky rajon është që prej disa vitesh në krye në vendin e luftës kundër mashtrimit fiskal të gjermanëve që vendosin paratë e tyre jashtë vendit për t’iu shpëtuar taksave, në Zvicër, në Lichstenstein apo gjetkë.
Sipas ministrit, ka dyshime të forta që ndërmarrjet malteze të lidhura me shoqëritë gjermane kryejnë evazion fiskal, veçanërisht nëpërmjet përdorimit të shoqërive të ashtuquajtura “kuti postare”, ndërmarrje fiktive të destinuara për të fshehur transaksionet financiare.
Shteti rajonal i Rhenanie du Nord-Westphalie mori në fund të prillit, në sajë të një informatori anonim, një CD me të dhëna që përfshinin një listë me 70 000 ndërmarrje të regjistruara në Maltë, një shtet evropian i akuzuar shpesh se është një parajsë fiskale.
“Nga këto 70 000 shoqëri, rreth 1700-2 000 janë të lidhura me ndërmarrjet gjermane”, theksoi ministri rajonal./ma.me
