Një aksident rrugor me pasojë vdekjen e 2 personave dhe plagosjen e 20 të tjerëvve ka ndodhur ditën e sotme në Gjermani. Një tren është përplasur me një kamion në zonë rurale të Ibbenbueren, që ndodhet 440 kilometra (275 milje) në perëndim të Berlinit.
Për pasojë, kanë gjetur vdekjen 2 persona, ndërsa 20 të tjerë kanë mbetur të plagosur, nga të cilët 3 në gjendje të rëndë.
Sipas zëdhënësit të policisë Jochen Laschke tren që vinte nga qyteti i Osnabrueck për në Ibbenbueren u përplas me një kamion të ngarkuar me pleh organik.
“Treni ishte i mbushur me shumë njerëz. Ne morëm një thirrje emergjente në 11:31 sot dhe ekipi i shpëtimit, zjarrfikësit dhe psikologët nga e gjithë rajoni u aktivizuan për të ndihmuar.” tha zëdhënësi
Ambulanca dhe ekipet e shpëtimit nga rajoni janë në vendin e ngjarjes ndërsa po ju jepet ndihma e parë mjekësore të plagosurve.
Gjermania është e njohur për cilësinë e shërbimit të saj të trenit, por shoferët e trenave gjermane zhvilluan një grevë këtë muaj në një mosmarrëveshje me operatorin hekurudhor kombëtare mbi pagat dhe kushtet e punës.
