Ministri i Mbrojtjes z. Niko Peleshi i shoqëruar nga shefi i Shtabit të Përgjithshëm të FA, gjeneralmajor Bajram Begaj morën pjesë në konferencën për Ukrainën, të thirrur nga sekretari i Mbrojtjes së SHBA-ve, Lloyd Austin, e cila u mbajt në bazën ajrore në Ramstein të Gjermanisë.
Në këtë konferencë, SHBA-të kishin ftuar të merrnin pjesë ministrat e Mbrojtjes dhe përfaqësues nga 40 vende të ndryshme ku u diskutua mbi situatën në Ukrainë, nevojat që ky vend ka për asistencë në planin aktual dhe atë afatgjatë, dinamikat e luftimeve në Ukrainë, vlerësimi i kapaciteteve të tyre luftarake, mundësitë e kontributit për përmirësimin e këtyre kapaciteteve, si dhe rritjen e aftësive mbrojtëse të këtij vendi, në të ardhmen.
Në fjalën e tij, ministri Peleshi falënderoi organizatorët e këtij evenimenti mjaft të rëndësishëm, veçanërisht sekretarin Austin, si dhe bëri një rezyme të mbështetjes që vendi ynë ka dhënë për Ukrainën. Ai u ndal në tre aspekte kryesore në të cilat konsiston kjo mbështetje, në rolin e Shqipërisë në Këshillin e Sigurimit të OKB-së, si bashkëpenëmbajtëse me SHBA-të, në situatën dhe mbështetjen humanitare për pritjen dhe akomodimin e refugjatëve ukrainas, si dhe në suportin në terma praktikë që vendi ynë ka dhënë.
Në fund të fjalës së tij, zoti Peleshi siguroi pjesëmarrësit në këtë takim se, Shqipëria do të vijojë mbështetjen pa kushte për qeverinë dhe popullin ukrainas edhe në termat afatgjatë, përveç suportit aktual që jemi duke dhënë./m.j
Luftoni të pushojë lufta.O idiotë.E kemi te pragu i derës.Populli është vrarë ose ka ikur.Cilin popull do mbështesësh? Atë që e vrarë me armët e Amerikës dhe NATO,apo atë popull që u vra me armët vrasëse.ruse? Na keni bërë të ulërijnë nga papërgjegjshmëria histerike e juaja.Ti i hypën avionit e zhdukesh nga Shqipëria,po ne që jemi këtu kush do na mbrojë? Ata 6000 ushtarë që nuk e di se ku i ke? Vaj me det cilat koka të nxehta drejtojnë sot Kriminel të paskrupullt.Vrasës të njerëzimitPo shkatërroni planetin me një luftë të re botërore.