CDU-ja e Angela Merkelit fitoi me shumicë të ndjeshme votash zgjedhjet rajonale në landin e Zarës, një triumf ky që ka dekurajuar kampin socialdemokrat, që pretendon të dale në krye sivjet në zgjedhjet parlamentare. Kristjandemokratët e kancelares Merkel morën, sipas rezultateve jopërfundimtare, 41% të votave, ndërsa socialdemokratët vetëm 29%.
Zara, në kufi me Francën, ka një popullatë prej një milion banorësh, e vogël krahasuar me landet e tjera. Por, kudo në Gjermani zgjedhjet e saj u panë si parashikuese të tendencës së përgjithshme për parlamentaret e muajit shtator, në të cilat Merkel kandidon për një mandat të katërt si kancelare.
