Një person nga Kosova, i cili dyshohet se është i sëmurë mendor ka qëlluar me thikë një person në Bäumenheim të Gjermanisë. Por mësohet se objektivi i këtij sulmi sapo ishte plagosur me thikë në qafë, duke pësuar një plagë tetë centimetra të thellë në qafë, i ka hipur makinës dhe është larguar rreth 800 metra, deri te sheshi i Bäumenheimit, më pas është rrëzuar për shkak të humbjes së madhe të gjakut. “Çfarë bërë tani?“, e ka pyetur babai, autorin e dyshuar të krimit.
“Doja t`ia prisja kokën“, është përgjigjur autori dhe këtë gjë e ka rrëfyer para trupit gjykues viktima. Sipas “Shtegu.com”, ngjarja ka ndodhur nëntorin e vitit të kaluar, kur viktima 36 vjeç nga Kosova kishte mbërritur në Gjermani për të vizituar të afërmin e tij.
Edhe pse viktima pati një plagë të madhe në qafë dhe humbi shumë gjak, ai kishte arritur të shpëtojë pasi kishte mbërritur shpejtë në spital. Me ndihmën e një operacioni urgjent, ekipi mjekësor i klinikës “Donau-Ries“ në Donauëörth, arriti ta shpëtojë kosovarin e plagosur.
Gjykata është duke u përpjekur të zbulojë motivet se çfarë e detyroi autorin të bëjë një vepër të tillë. Prokuroria dyshon se bëhet fjalë për një person me probleme mendore, pasi gjatë mbajtjes në paraburgim, ai i kishte shkruar një letër në të cilin veprimin e tij e përshkruante si “reagim spontan, pasi ai ia kishte ngacmuar bashkëshorten dhe ia kishte rrëmbyer fëmijën e palindur“. Mjekëve u kishte thënë se atë është duke e ndjekur shërbimi sekret serb, dhe po i kontrollon edhe mendimet”, ka deklaruar mjeku gjerman Gruber.
Pas këtyre veprimeve autori është nën kontrollin e mjekëve. Autori i dyshuar është rritur në Kosovë, ku deri në sulmin e forcave serbe në vitin 1999, kishte kryer shkollën e mesëm. Gjatë luftës në Kosovë, ai ishte arratisur në Shqipëri, ku kishte vazhduar shkollën duke filluar studimet në elektronikë dhe kimi, të cilat nuk arriti t`i përfundojë.
Prej nëntë vitesh ai jeton në Gjermani, ndërsa për herë të fundit ka punuar në një sipërmarrje. Para gjykatës, viktima kishte pohuar se sulmuesin e kishte takuar vetëm disa herë, por se me te nuk kishte pasur asnjëherë mosmarrëveshje.
Mikja e tij e kishte konfirmuar këtë pohim të tij: “I dashuri im nuk ka pasur probleme me askënd, ai nuk është njeri i tillë“. Ngjarja i ka tronditur që të dy, pasi ka menduar në fillim se ishte një sulm terrorist”. Por edhe sot e kësaj dite, kosovari 36-vjeçar është duke vuajtur nga dhimbjet, pagjumësia, shtypja e lartë e gjakut dhe aktualisht është nën trajtim mjekësor psikologjik.
Ndërkohë që pas përfundimit të gjyqit do të vlerësohet gjendja e tij mendore, dhe nëse vërtetohet se është i sëmure mendor ai nuk do të dënohet me burg, por do të transferohet për një kohë të gjatë në ndonjë klinikë psikiatrike.
