Klubi i Kukësit ka vijuar edhe sot ankesat për trajtimin që po u bëhet në Gjeorgji, vend në të cilin kanë udhëtuar për ndeshjen e “Europa League” që do të luhet nesër kundër Torpedo-s, skuadrës së këtij shteti.
Kukësi me anë të një reagimi të gjatë në rrjetet sociale pretendon se ndaj tyre ka diskriminim racial. Në fund ata i bëjnë thirrje shtetit shqiptar që të marrë masat për këtë rast, të cilin nuk nuk e kanë ndeshur kurrë më parë.
“Nuk është pak të thuhet që ndaj nesh po tregohet racizem, që është elementi i parë i denueshëm nga UEFA. I bëjmë me dije autoriteteve përkatëse në Shqipëri që të marrin parasysh vështirësitë që po na krijohen nga shteti Gjeorgjian, në mënyrë që të marrin masat pëkatëse”, thuhet ne reagim
Reagimi i FK Kukësit.
Pas një udhëtimi të gjatë dhe rraskapitës drejt Gjeorgjisë, mes shumë të tjerash janë krijuar dhe pengesa nga autoritet gjeorgjiane. Në mengjesin e sotëm ekipi është akomoduar në hotelin Radison Blue. Klubi i Torpedos si organizator dhe mikpritës i takimit vazhdon të jetë mospërfillës dhe të krijojë pengesa në mënyrë që të mos bashkëpunojë me Kukësin, duke mos përmbushur kushtet minimale te aktivitetit të një rangu Europian. Problemi më shqetësues për ne si klub vazhdon të jetë mos pajisja me viza të lojtareve tanë, të Valon Ethemit, Edis Maliqit si dhe Reginaldo Fait, edhe pse aplikimi është bërë në kohë, duke na u premtuar edhe nga autoritetet gjeorgjianë për pajisjen me vizë të tyre.
Aktualisht tre lojtarë ngelen pa udhëtuar për në Tbilis.
Portieri jone, Faton Maloku pasi ka qëndruar për rreth 7 orë në aeroportin e Tbilisit, i shoqëruar nga drejtori sportiv Nderim Nexhipi, ka arritur më në fund që rreth orës 11:00 (me orën e Gjeorgjisë ) te behet i mundur kalimi i tij.
Kontakti i parë me tokën gjeorgjianë nuk ishte aspak mikpritës dhe miqësor, përvec problemeve me Malokun, ekipit tonë nuk i është bërë pritja nga zyrtarët e klubit vendas dhe eskorta e policisë, edhe pse ishte kusht që cdo levizje e delegacionit të Kukësit bashke me ekipin të jetë i shoqëruar nga autoritet gjeorgjiane. Ne si klub bashkë me Presidentin, Safet Gjici, dënojmë këtë indiferencë të ekipit vendas i cili po ben cdo veprim me qellim lodhjen e ekipit te Kukesit dhe stafit te tij.
Nuk është pak të thuhet që ndaj nesh po tregohet racizem, që është elementi i parë i denueshëm nga UEFA. I bëjmë me dije autoriteteve përkatëse në Shqipëri që të marrin parasysh vështirësitë që po na krijohen nga shteti Gjeorgjian, në mënyrë që të marrin masat pëkatëse.
a.ç
