Gjeorgjia njoftoise i kishte hequr kombësinë ish-presidentit gjeorgjian, Mikheïl Saakachvili, emëruar këtë si guvernator i rajonit ukrainas të Odesas dhe i cili ka marrë kombësinë ukrainase. “Konform ligjit për kombësinë gjeorgjiane, presidenti Guiorgui Margvelachvili nënshkroi një dekret duke i hequr shtetësinë Mikheil Saakachvilit për shkak të marrjes së shtetësisë së një vendi tjetër nga ish-presidenti”, theksoi në një komunikatë, shërbimi i shtypit të presidencës. Sipas ligjit, një gjeorgjian që pranon të bëhet qyetar i një vendi tjetër është automatikisht i përjashtuar nga kombësia gjeorgjiane.
Një dekret presidencial do të konfirmojë gjithashtu humbjen e pasaportës gjeorgjiane. Duke vendosur të bëhet qytetar ukrainas, Saakachvili, 47 vjeç, guvernator që prej muajit maj i rajonit ukrainas të Odesas, shkaktoi irritimin e Tbilisisit. Sjellja e tij ishte cilësuar si e pandershme dhe pakuptueshme nga presidenti Margvelachvili. President i Gjeorgjisë nga viti 2004-2013, Saakachvili erdhi në pushtet pas Revolucionit të Trëndafiltë, e para kryengritje popullore në ish-Bashkimin Sovjetik.
