Ben Hodges, gjenerali i komandës së ushtrisë amerikane në Evropë, deklaroi se mbi bazën e të dhënave ushtria ruse mund t’i marrë shpejt vendet balltike, përpara se NATO-ja të mund të reagojë.
Hodges e bëri deklaratën e mësipërme gjatë komente për median gjermane.
“Rusia mund t’i marrë shtetet balltike më shpejt sesa ne të mund të vijmë për t’i mbrojtur ata”, citohet të ketë thënë Hodges.
Në Poloni po zhvillohen aktualisht manovrat ushtarake të NATO-s, të koduara me emrin “Anakonda 16”, në të cilat marrin pjesë 31 000 trupa nga 24 vende.
Ndërkohë, më 8 dhe 9 korrik në Varshavë do të mbahet takim i nivelit të lartë i NATO-s, ku pritet të miratohet përforcimi i pranisë ushtarake të aleancës në Evropën Lindore. (java / r.a)
