Kandidati për kreun e PD, Edvin Kulluri u shpreh në “Quo Vadis” se Lulzim Basha po shfaq shenja skizofrenie, duke vendosur në dyshim shëndetin mendor të liderit demokrat.
“Është i vetmi kryetar partie në botë që rri pas katër humbjesh si kryetar partie. Është fenomenal. Gjendja është tragjike, urojmë që ky njeri mos të kthehet më në krye të PD. Do të ishte tmerr. Ne kemi nevojë ta nënshtrojmë kryetarin aktual të partisë ndaj shqyrtimeve psikoanalitike dhe psikologjike klinike. Këto janë shenja skizofrenie, mos të njohësh realitetin. Ky quhet shtrembërim i realitetit. Kur një njeri shtrembëron realitetin, ka probleme të rënda për mendimin tim. Ka turp më të madh të thotë Lulzim Basha ‘ish komunisti Sali Berisha’ pas 16 vitesh.”
Më tej, ai deklaroi se në PD ka krize elitash, ndërsa nuk hezitoi të akuzonte Bashën për bunkerizim të partisë.
“Kjo është krizë elitash. Kemi një palë që këmbëngul në bunkerizimin dhe shkatërrimin e çdo principi demokratik në parti. PD ka qenë një rrumpallë ideologjike këto 8 vitet e fundit. Pala tjetër bënte sikur nuk kuptonte. Për mua, situata më e vështirë ka qenë shtatori, ku u vodhën zgjedhjet hapur për kreun e PD. Dita më e lumtur për mua është dita kur u shpall non-grata Berisha dhe u përjashtua nga grupi parlamentar me atë vendim idiot. Ditë e lumtur për PD-në dhe fatkeqe për Berishën. Unë ruaj konsiderata të mira për Berishën, pavarësisht nga gabimet.”
/b.h
Ju te grupit plakut,jeni me qindra here me te renduar nga mendet e kokes,tani me u bindet se dolte te humbur me komunistin vrastare.Prandaj te rroni vete bashke me ju edhe sh jozi e tjerte si ju.