Trupi i një personi të pajetë është gjetur sot në aksin rrugor Lushnje-Fier, buzë rrugës tek rrethrrotullimi i Kolonjës.
Viktima është i seksit mashkull dhe dyshimet e para janë se ai mund të jetë vrarë.
Burime paraprake thonë se bëhet fjalë për një mashkull rreth të 65 -ave. Ai u gjet buzë kanalit kullues tek rreth rrotullimi i Kolonjës.
Njoftimi i policisë:
Informacion paraprak
Në datën 29.10.2017, rreth orës 11:00, në tokat e fshatit Kolonjë, Lushnje, në një kanal vaditës, është gjetur nga banorë të zonës një shtetas i vdekur, i seksit mashkull, rreth 65 vjeç.
Grupi hetimor po punon për identifikimin e viktimës dhe zbardhjen e plotë të ngjarjes.
