Në fshatin Voskopojë është gjetur një predhë gjatë punimeve në rrugën në drejtim të Manastirit të Shën Prodhromit. Predha është gjetur pak kilometra larg fshatit turistik.
Banorët bëjnë me dije se ndihen të frikësuar dhe në panik nga prania e predhës më përmasa të mëdha. Policia prej tri ditesh është në vendin ku është gjetur predha që mendohet se i përket Luftës së Dytë Botërore.
Predha është zbuluar gjatë punimeve në rrugën që të çon nga Voskopoja drejt Manistirit si dhe drejt kishave të tjera të këtij fshati. Burime jo zyrtare pranë Drejtorise Rajonale të Policisë thanë se janë lajmëruar organet kompetente, por nuk thanë asgjë lidhur me mosardhjen e specialistëve të fushës.
Prej 3 ditësh policia e Korçës ruan vendin ku u gjend predha, pasi krahas banorëve të zonës, në segmentin rrugor ku u gjet predha kalojnë edhe shumë turistë vendas dhe të huaj.
Pritet të vijnë specialistë nga Tirana për të bërë procedurat e nevojshme.
a.ç
