Një person është gjetur i pajetë mëngjesin e sotëm në Vlorë tek zona e njohur si ‘Kapelja’. Paraprakisht dyshohet që personi i pajetë të ketë pësuar infarkt.
Nga informacionet e para, mësohet se personi kishte dy ditë që nuk ishte kthyer në shtëpi.
Forcat e policisë ndodhen në vendin e ngjarjes dhe po punojnë për zbardhjen e shkaqeve dhe rrethanave të saj.
Viktima mësohet se është gjetur brenda një makine ngjyrë gri. Pritet njoftimi zyrtar i bluve të Vlorës mbi ngjarjen.
Vlorë/ Informacion paraprak
Sot, rreth orës 10:50, në lagjen “Osman Haxhiu”, Vlorë, është gjetur në mjetin e tij nga familjarët, pa shenja jete shtetasi E. L., 45 vjeç, i cili nga të dhënat e para dyshohet se ka ndërruar jetë për shkaqe natyrale.
Nga kqyrja paraprake e trupit të tij, nuk janë konstatuar shenja dhune apo dëmtime të tjera.
Grupi hetimor ndodhet në vendngjarje dhe po punon për sqarimin e rrethanave të ngjarjes.
g.kosovari
