Është gjetur mëngjesin e ditës së sotme një makinë e djegur tek ‘Ura e Mifolit’.
Nga se bëhet ditur paraprakisht, makina dyshohet se u përket autorëve të vrasjes së mbrëmshme, ku mbeti i vdekur 35-vjeçari Elidon Mehmeti.
Ngjarja sipas policisë, ndodhi rreth orës 22:58 në lagjen “Pavarësia” në zonën e Skelës. Viktima ka qenë në makinën e tij tip Ford AA709HM, përballë një hoteli në këtë zonë. Mehmetit i është bërë pritë nga persona ende të paidentifikuar nga uniformat blu, të cilët sic Express mëson, kanë qëlluar me breshëri kallashnikovi në drejtim të makinës. Dyshohet të jenë lëshuar rreth 15 të shtëna në drejtim të tij.
Burime nga blutë e qytetit bregdetar thanë se dyshohet që të kemi të bëjmë me larje hesapesh në trafikun e drogës, pasi emri i Elidon Mehmetit nuk rezulton i panjohur për Policinë. Megjithatë hetimet e mëtejshme pritet të hedhin dritë mbi këtë ngjarje të rëndë. /b.d
