Një gomone që dyshohet se është përdorur ose do të përdorej për trafik droge, është gjetur nga policia në një fermë në fshatin Babicë të Vlorës.
Bëhet me dije se efektivët e operacionales, Antidroga dhe Forca Shqiponja kanë realizuar kontrollin e fermës, duke gjetur gomonen brenda një kamioni të ngarkuar me balla jonxhe.
Gomonia është mbi 10 metra e gjatë dhe policia ka vendosur ta sekuestrojë së bashku me kamionin, duke i transportuar për në komisariat.
Sakaq, mbrëmjen e djeshme rreth orës 12:30 policia ka kontrolluar disa banesa në qytetin e Vlorës, ku jetojnë individë që kanë lidhje me fermën ku u gjet gomonia.
Edhe objekti ku mjeti lundrues u gjet është mbajtur gjatë gjithë natës në survejim nga patrulla e gatshme.
/a.r
