Babai i Franc Konomit i njohur si “i forti” i rrugës Bardhyl dhe një nga krerët e bandave më famëkeqe të Tiranës është gjetur i vdekur ne banese në rrethana misterioze. Lajmi është bërë i ditur nga burime të policisë që konfirmuan se Stefan Konomi 78 vjeç, ishte gjetur i vdekur në banesën e tij gjatë së hënës, ndërkohë siaps dshmeve ai ka vdekur disa ditë më parë.
Pas mbërritjes së policisë në banesën e Konomit në Rrugën e Dibrës, është konstatuar se ai ishte pa shenja jete, ndërsa mjekët- ligjorë konfirmuan se vdekja e Stefan Konomit ka ardhur nga një atak në zemër.
Policia hodhi ne fillim dyshime se Konomi mund te jete mbytur per shkak të së shkuarës së djalit të tij, ndaj ekspertiza për bllokim të frymëmarrjes pritet të hedhë dritë mbi vdekjen e të moshuarit.
Sipas burimeve të policisë Konomi jetonte i vetëm në banesën e tij në “Rrugën e Dibrës” në Tiranë. Djali i trete i tij Franc Konomi mbeti i vrarë në vitin 2010 pasi u qëllua për vdekje nga persona të paidentifikuar.
Konomi u vra në moshën 40-vjeçare dhe konsiderohej si një nga të fortët e “Rrugës Bardhyl”. Ai dyshohej për vrasjen e Gaz Mucës në vitin 1992, por asnjëherë prokuroria nuk ngriti akuzë për mungesë provash.
