Dj Morillo, autori i hitit të njohur botëror “I Like to Move It”, është ndarë nga jeta.
Trupi i pajetë i 49-vjeçarit, emri i plotë i të cilit është Erick Morillo, u gjet këtë të martë në shtëpinë e tij në Miami Beach të Florida, SHBA.
Shkaku i vdekjes nuk është ende i qartë. Siç referoi një zëdhënës i policisë së Florida, në trupin e pajetë nuk u gjetën shenja dhune.
Ndërkohë këtë të premte ndaj tij ishte caktuar seanca gjyqësore, ku Morillo akuzohej për abuzim seksual.
I lindur në New York dhe i rritur pjesërisht në Kolumbi, Morillo, njohu sukses maksimal me këngën “I Like to Move It”, e publikuar në vitin 1993.
Në vitin 2005 kënga shënoi një tjetër sukses ndërkombëtar, kur u bë kolonë zanore e filmit të animuar “Madagascar”.
