Prezantuesja e njohur televizive Michelle Watt, është gjetur e vdekur nga policia në shtëpinë e saj.
“Nuk ka rrethana të dyshimta dhe raporti do t’i dërgohet prokurorit të shtetit“, ka thënë zëdhënësi i policisë.
Komediani dhe Dj i radios, Des Clarke, i cili ka punuar bashkë me të, i ka kushtuar një postim në Twitter ish koleges, duke shkruar: “Shumë i pikëlluar nga lajmi i hidhur për Michelle Watt. Sa person i dashur që ishte. E kisha kënaqësinë dhe nderin të punoja me të. Rast tragjik“.
Edhe shoqja e saj nga televizioni, Lorraine Kelly, ka reaguar përmes rrjetit social: “Jam absolutisht e shokuar nga vdekja e Michelle Watt. Grua e dashur dhe nënë fantastike“, transmeton Klan Kosova.
Sipas web faqes së të ndjerës, Watt ndihej krenare që e kishte baba legjendën e boksit Jim Watt, por njëkohësisht krenare edhe me faktin se ka arritur vetë të krijojë karrierë në industrinë televizive.
