Gjendet arma që u përdor për vrasjen e Emiljano Ramaznit, ngjarje e ndodhur në Ebasan në datën 20 korrik.
Sipas burimeve zyrtare, arma e krimit u gjet e fshehur në një biznes në Peqin.
Në pranga kanë përfunduar shtetasit A. M., 64 vjeç dhe S. M., 37 vjeç, lindur e banues në Peqin, babë e bir.
Nuk dihet nëse ata janë edhe autorët e ekzekutimit të Ramazanit.
Policia thotë se në ambientet e brendshme të biznesit, poshtë sabratorit të një makine u gjet një armë zjarri pistoletë model 54 TT, me një krehër dhe një fishek luftarak.
Nga veprimet e mëtejshme hetimore dhe nga provat shkencore ka rezultuar se arma e zjarrit e sekuestruar është arma e zjarrit pistoletë e përdorur në ngjarjen e datës 20.07.2020, në Elbasan, ku është vrarë Emiljano Ramazani.
Nën drejtimin e Prokurorisë së Rrethit Gjyqësor Elbasan vijon puna për zbardhjen dhe dokumentimin e plotë të kësaj ngjarjeje.
/a.r
