Dy vajzat e mitura në qytetin e Korçës, të cilat rezultonin të humbura që prej 4 ditësh janë gjetur mbrëmjen e djeshme nga familjarët e tyre.
Kristina Zeqollari, 15 vjeçe dhe Erigersa Dulellari 14 vjeçe, janë gjetur nga vetë familjarët e tyre në një banesë të braktisur. Sipas tyre vajzat nuk zbrisnin dot vetë, pasi ishin në një lartësi të madhe. Ende nuk dihet se si minorenet kanë përfunduar në këtë vend.
Dy të rejat kishin dalë të vecuara njëra nga tjetra, për të shkuar njëra në kursin e baletit e tjetra në atletikë por prej atij momenti nuk janë kthyer më në banesat e tyre. Të alarmuar nga vonesa prindërit kanë kontaktuar gjithë të afërmit e tyre në pritje për të zbuluar dicka për vajzat por askush nga të afërmit nuk ka pasur dijeni apo kontakt me to.
Një ditë para largimit ato u kanë rrefyer shoqeve se nuk do të vinin më në shkollë pasi do të iknin në Itali. Për njërën nga vajzat historia përsëritet për herë të dytë pasi dy vite më parë ajo u largua së bashku me dy vajza të tjera por fatmirësisht u gjet në kohë nga policia.
Tani që vajzat u gjetën, policia do të zbardhë detaje të tjera nga plani i dy të miturave.
