3900 rrënjë kanabis të shtrira në rreth 10 parcela, janë asgjësuar nga policia e Vlorës. Droga ishte mbjellur në fshatrat Vërmik, Vezhdanisht dhe Dukat i Ri.
Sipas policisë, bimët narkotike kishin arritur një lartësi deri në 25 cm. Droga u asgjësua me djegie.
Ndërkohë, mbi 2 mijë rrënjë kanabis u asgjësuan edhe në Lushnje. Në fshatin Çiflik u gjetën edhe 198 fidanë në kubik.
Shpallen në kërkim dy kultivuesit: N.N, 47 vjeç, banues në lagjen “Xhevdet Nepravishta” të Lushnjes dhe Y.P., 54 vjeç, banues në lagjen “18 Tetori” të Beratit.
