Një projekt i përbashkët arkeologjik shqiptaro-amerikan kanë njoftuar se ka gjetur në brigjet shqiptare amfora që janë të paktën 2,500 vjeçare, të cilat mund t’i përkasin një anije të mbytur në lashtësi.
Anija kërkimore ‘Hercules’ e Fondacionit Nautical RPM tha të premten se kishin gjetur 22 objekte të lashta në shtratin e detit Jon pranë gadishullit të Karaburunit.
Arkeologu Mateusz Polakoëski ka deklaruar se ata besojnë se amforat e llojit ‘korintas’ datojnë në mes të shekullit të 7-të dhe të 5-të, para lindjes së Krishtit.
Që nga viti 2004, RPM ka shqyrtuar dhe analizuar shtratin e detit të Shqipërisë për anijet e vjetra dhe moderne, me plane të vazhdueshme për hapjen e një muzeu nënujor në Shqipërinë perëndimore.
Shqipëria po përpiqet të mbrojë dhe të përfitojë nga trashëgimia e saj e pasur nënujore, me fonde nga qeveria për ruajtjen e saj. Këtij zbulimi i ka kushtuar edhe një artikull media prestigjoze New York Time.
g.kosovari
