Agron Gjekmarkaj ka bërë një shkrim për të djathtën dhe ish-të përndjekurit që mbështesin Partinë Demokratike.
Në hyrje të shkrimit, Gjekmarkaj pranon se PD është sjellë keq me ta, madje i ka rrahur dhe fyer, por e justifikon këtë gjë, duke thënë se kjo parti ka përfaqësuar kauzën e tyre.
“PD shpesh ndaj tyre është sjellë me mentalitet komunist! Në vitin 1994 i ka rrahur e fyer por në llogari të fundit mbetet partia që i ka perfaqesuar më shumë në rrafsh politik dhe që ka bërë perpjekje për integrimin e tyre moral, intelektual e ekonomik”, shkruan Gjekmarkaj, që mund të lexohet ndryshe, kush të do, edhe të rreh.
Shkrimi i tij, një replikë me këshilltarin e Lulzim Bashës, Neritan Sejamini, të cilin Berisha e konsideronte mizreabël, vijon më tej se “djemtë e eterve në oborrin e PD-së të cilët shqetësohen për kusherinjtë në PS në thelb duke folur për disa parime kinse të demokracisë së kulluar i druhen pikerisht origjines së tyre ! Ata duan të hanë ku tu dalë, në të dy krahet e njekohesisht të marrin ndonjë kacidhe prej atyre që mendojnë se monopoli mbi historine tragjike të shqiptarve nën diktature blihet me lekë!
Kesisoj avokati i Familjes Hoxha bëhet edhe Sekretar i Pergjithshem i PD dhe me heret doracak i kesaj partie në KQZ gromësin avuj e duhmë çomleku i bindur qe bashkë me taftin e tij ka nxjerrë ide për të qerasur dynjanë në vapë për të cilat pretendon se u dashka edhe të merremi”.
Gjekmarkaj shkruan për Panorama se:
“Lulzim Basha dhe Sali Berisha nese duan ta vrasin te djathten janë në rruge të mbarë nga bashkeudhetaret qe zgjedhin! Eterit dhe bijte te shperndarë kudo jane fatkeqsia e ketij vendi tash 75 vjet! Ata dinë te sundojne dhe te vjedhin, dinë të rrejne, dhe të bëjne propogande apo PR ( marrdhenjie me publikun) por demokracine dhe perendimin si kane ne gjak!
Keta jane dy komponent qe u japin alergji! Kruhen dhe teshtijne e me shpesh diarrene e nxjerrin nga goja!
Kur mendon qe mbi krye kemi edhe Edi Ramen me të vetët te vinë ndermend vargjet e një kenge popullore që kendohej motit në Mirdite: “ngritnju burra kapni hujt se na vunë m…t perfujt”.
Shkrimi i Gjekmarkajt vjen pas një postimi të Neritan Sejaminit, i cili shkruante:
“Në mënyrë ironike, koncepti “bijtë e etërve”, të cilin artikulojnë me aq pasion shumë përfaqësues të PD-së si sulm ndaj qeveritarëve të sotëm është në fakt koncept totalitaro-komunist: nën regjimin diktatorial të Enver Hoxhës ekzistonte “krimi/faji për shkak të shoqërisë”—nëse dikush ishte “armik” apo “i keq”, e gjithë familja, i gjithë fisi ishte detyrimisht armik dhe i keq.
Nën komunizëm kishte “klasa” dhe jo individë. Njësoj, nën nazizëm ekzistonte krimi racor, nëse i përkisje një race apo një gjaku të caktuar ishe kriminel.
Varfëria e ideve të së djathtës ka arritur në pikën sa huazojnë ide komuniste. Për të mos thënë se këto ide as nuk shpjegojnë fare realitetin kriminal-plaçkitës të qeverisjes së tanishme, por as nuk tingëllojnë të kuptueshme për shumicën e shoqërisë që tashmë nuk ka asnjë njohuri apo lidhje me periudhën komuniste.” /TemA
g.kosovari
