Deputeti i PD Agron Gjekmarkaj, njëkohësisht kryetar i Komisionit për Edukimin dhe Mjetet e Informimit Publik është larguar nga mbledhja e sotme ku po raportonte Ministrja e Arsimit Evis Kushi.
Ai ka kërkuar ndjesë për shkak të gjendjes shëndetësore, duke ia kaluar drejtimin e mbledhjes nënkryetarit, deputetit socialist Petro Koçi.
“Për arsye shëndetësore e kam të pamundur të rri më gjatë. Erdha për respekt institucional dhe njerëzor. Kam nderin ti kaloj drejtimin e seancës Petro Koçit. Ju uroj punë të mbarë dhe iu kërkoj ndjesë për mungesën time”, tha ndër të tjera Gjekmarkaj, i cili ka qëndruar gjatë gjithë kohës me maskë në mbledhje.
Në një komunikim me “BalkanWeb”, Gjekmarkaj tha se bëhet fjalë për një gjendje helmimi ushqimor dhe nuk ka lidhje me COVID.
g.kosovari
