Agron Gjekmarkaj është shprehur këtë të mërkurë në emisionin “Opinion” se Lulzim Basha dhe Sali Berisha janë problemi tashmë në PD dhe nuk mund të jenë zgjidhja.
Pasi u pyet nga gazetari Blendi Fevziu se cili është sugjerimi i tij në këtë situatë tek selia blu, Gjekmarkaj tha se Basha dhe Berisha duhet t’i lenë hapësirë një lidershipi të ri.
Deputeti tha se e djathta ka njerëz intelektualë, por mori edhe shembullin që mund të vijnë njerëz nga diaspora.
“Sugjerimi im është që qoftë Lulzim Basha dhe qoftë Sali Berisha, janë produkte të njëri tjetrit. Më shumë Basha produkt i Berishës se Berisha produkt i Bashës. Janë problemi tashmë. Nuk mund të jenë zgjidhja. Ata mund të shohin opsione te reja për veten e tyre duke lënë hapësirë të lirë për një lidership të ri. E djathta ka njerëz sigurisht, por mund të ketë edhe opsionin që mund të vijnë edhe nga diaspora. Elita shqiptare mund të mbështet për ta drejtuar PD-në në mënyrë që mos të ketë rreth tyre hije dhe paragjykimesh kur ka filluar një luftë e madhe klanesh brenda PD”, u shpreh Gjekmarkaj.
/a.r
