Zjarrfikësit vazhduan edhe sot kërkimet e tyre për të gjetur gjashtë persona, që janë ende të zhdukur, pas përmbytjeve të furishme që shkaktuan të mërkurën vdekjen e 16 personave në një zonë gjysmë industriale, në perëndim të Athinës.
“Prioriteti ynë është të gjejmë personat e zhdukur”, njoftoi Konstantinos Yovas, përgjegjës i shërbimit të zjarrfikësve për televizionin publik ERT.
Viktimat e kësaj përmbytjeje pasojë e shirave të rrëmbyeshëm që lëshuan tonelata baltë dhe materiale të ndryshme në Mandra, Nea Peramos dhe Megara, rreth 50 kilometra nga Athina, janë kryesisht persona të moshuar të mbetur të bllokuar në shtëpitë e tyre ose në automjete, ndërkohë që ishin duke shkuar në punë./b.d
