Shtëpia përkujtimore e ushtarëve të Luftës Nacional Çlirimtare në Gjakovë do të quhet “Fadil Hoxha“, raporton T7.Dera i është mbyllur e gjendja nuk është edhe aq e mirë.E në këtë gjendje ky objekt ka mbetur ani pse kanë kaluar dy muaj që kur është miratuar ligji për mirëmbajtje dhe ndërrim të shtëpisë apo Eshnores Përkujtimore në Gjakovë.Ideja e Aleancës për Ardhmërinë e Kosovës në Gjakovë ishte që ky objekt të marrë emrin e dikur funksionarit Fadil Hoxha.
E më herët gjatë kohës sa komunën e udhëhiqte Mimoza Kusari ishte diskutuar edhe për një shtatore të Fadil Hoxhës, gjë që s’u realizua asnjëherë.E idenë e ish kryetares po kërkon ta rikthejë një bashkëpartiake e Kusari-Lilës.Drita Buza tregon se në kohën kur Gjakova udhëhiqej nga Alternativa, kishte bërë një sondazh me qytetarët nëse do të duhet të kishte qyteti një shtatore të Fadil Hoxhës.Sa i përket sondazhit, nga komuna e Ardian Gjinit thonë se ai ka qenë i panevojshëm.Ky objekt tani e tutje do të shërbejë si amfiteatër për aktivitete kulturore.
Me këtë, thonë se janë pajtuar edhe organizatat e luftës nacional çlirimtare. Edhe në qendër të Gjakovës është emëruar një shesh me emrin Fadil Hoxha. E pikërisht për këtë qytetarët e shohin si të nevojshme të kenë figurën e Hoxhën në qendër të qytetit. Hoxha gjatë Luftës së Dytë Botërore shërbeu si oficer. Kurse krejt në vitin 1941 kthehet në Kosovë si mësues, për t’u bërë më vonë një nga nismëtarët e Lëvizjes Nacional Çlirimtare.
Pas kthimit në Kosovë i bashkohet rezistencës partizane kundër okupimit fashist italian dhe më 1943 emërohet komandant i aradhes partizane “Emin Duraku”, që atë kohë operonte në territorin e Kosovës.E kundër respektimit aq të madh të figurës së Fadil Hoxhës kishte dalë nipi i Shaban Polluzhës. Sipas tij, Fadil Hoxha ka dhënë urdhrin që të sulmohen forcat e Shaban Polluzhës, përgatiti Koha. (b.an)
