Për herë të parë në histori Xhiro e Italisë nis garën nga Shqipëria. Evenimenti prestigjioz i çiklizmit do ta hapë edicionin e 108-të me “Nisjen e Madhe” që parashikon 3 etapat e para në vendin tonë. Gjithçka ka nisur sot me etapën 1, Durrës-Tiranë, 160 kilometra e gjatë.
Nisja erdhi në orën 13:10 në Rrugën “Egnatia” në Durrës, ndërsa ceremonia e mbylljes pritet në orën 17:00 në Bulevardin “Dëshmorët e Kombit” në Tiranë, para Pallatit të Kongreseve. Pas 65 kilometrave të para me një terren të sheshtë, çiklistët do të përballen me ngjitjen e Gracen përpara se të arrijnë në Tiranë, për të vijuar më pas me ngjitjen në Surrel, me pjerrësi deri në 13%.
Kilometrat e fundit vijojnë me zbritjen nga Surreli, për tu mbyllur më pas me finishin në terren të sheshtë. Parashikimet për garën e parë flasin për shkëputje të kontrolluara, ndërsa decizive do të jetë ngjitja e Surrelit, 12 kilometra nga finishi. Kështu shqiptarët do të kenë mundësinë që ta shikojnë nga afër këtë ngjarje të madhe sportive.
LIVE
16:40- Fillon xhiro e fundit nga bulevardi “Dëshmorët e Kombit”. Më pak se 20 kilometra të mbetura.
16:18- Çiklistët shkojnë drejt Surrelit. Grupi është i bashkuar tashmë dhe pa diferenca. (VIDEO)
16:05- Çiklistët mbërrijnë në Tiranë. Verre kryeson, ndërsa ndjekin Monquet, Tonelli dhe Tarozzi. (VIDEO) + (VIDEO)
15:44- Njoftohet se Ayusho është përplasur. Çiklisti spanjoll është rikthyer më pas me biçikletën e tij. Verre ndërkohë kryeson i vetëm tashmë. Rreth 40 sekonda ndajnë grupin e madh nga pjesa kryesuese.
15:30- Sulm i Tonelit dhe më pas i Tarozzit. (VIDEO) Çiklistët që kryesojnë tentojnë të shkëputen. Monque, Verre, Tonelli dhe Tarozzi kalojnë vijën e finishit në Gracen sipas radhës. Kanë kaluar 85 kilometra. (VIDEO)
15:12- Pikët e çiklistëve nga sprintet e fushës. Kanë mbetur edhe 87 kilometra.
15:08- Grupi ndodhet në zonën e Krrabës. 59 sekonda është diferenca me grupin tjetër që kryeson. (VIDEO)
15:00- Probleme për një çiklist spanjoll. Ayuso ndihmohet nga një banor i Elbasanit dhe më pas stafi. Pas 6 minutave bashkohet me pjesën tjetër të grupit. (VIDEO)
14:45- Në Papër zhvillohet sprinti i parë. Tonelli fiton 12 pikë. (VIDEO)
14:22- Çiklistët furnizohen me ushqim, kur kanë mbetur edhe rreth 120 kilometra për të përshkuar. (VIDEO)
14:09- Çiklistët ndodhen në zonën e Rrogozhinës. U rezervohet pritje e ngrohtë nga banorët. Në krye të garës ndodhen Verre(Arkea), Moniquet(Cofidis), Tonelli(Polti), Van der Hoorn(Intermarche) dhe Tarozzi(Bardiani). Diferenca me pjesën tjetër ka shkuar 2 minuta. (VIDEO)
14:05- Shpejtësia mesatare e çiklistëve është 50km/orë.
13:49- Pesë çiklistë në krye me një distancë 1 minutë e 44 sekonda. Verre, Lastra, Tonelli, Tarozzi e Van der Hoorn udhëheqin të shkëputur nga pjesa tjetër. (VIDEO)
13:36- Nis zyrtarisht gara nga Durrësi.
13:10- Gati për të nisur Xhiro e Italisë nga Durrësi. 9.2 kilometra është rruga që duhet përshkruar për startin zyrtar.
