Në kilometrat e fundit të Giro d’Italia në Etapën e Parë, në Fresk ka pasur një aksident mes disa çiklistëve që kanë humbur ekuilibrin.
Mikel Landa duket se ka pësuar një lëndim serioz dhe ka dalë jashtë rrugës, duke u përplasur në trotuar.
Edicioni i 108-të i “Giro d’Italia” filloi nga Durrësi më 9 maj dhe tre etapat e para do zhvillohen në Shqipëri.
Nisja e Etapës së Parë u krye në orën 13:10 nga Durrësi për të arritur në kryeqytetin e vendit, Tiranë, pas 160 kilometrash. 184 çiklistë nisën pedalimin që pritet të përfundojë pak pas orës 17:00 në Tiranë. Nën një atmosferë festive, mijëra qytetarë kishin dalë të shihnin çiklistët në rrugët e qytetit.
