Xhiroja e Italisë vijon sot me etapën e dytë në Tiranë, një garë kronometri 18.7 km me 150 metra disnivel në rrugët e kryeqytetit.
Një cirkuit tërësisht qytetas, ku pas 8 kilometrave të para çiklistët do të përballen me 1.3 km malore (5.6%) në Sauk, ndërsa 2 kilometrat e fundit do të jetë të njëjta me etapën e parë.
Roglic dhe Ayuso mund të fitojnë terren ndaj maloristëve, ndërsa për suksesin në kronometër shihen si favoritë britaniku Joshua Tarling dhe italiani Edoardo Affini.
Kjo është rruga që do të përshkojnë çiklistët ditën e sotme.
ORA 14:01- Hepburn kalon Pallatin e Brigadave.
ORA 13:46- Niklas Markl përfundon i pari vijën e finishit dhe pas tij përfundon Hayter.
ORA 13:41- Hayter për momentin kalon i pari dhe ndiqet nga Govekar dhe ka një përmirësim të kohës.
ORA 13:38- Niklas Markl ngjitet në rrethin e Saukut.
ORA 13:36- Çiklistët kalojnë nga “Arena Kombëtare”.
ORA 13:32- Niset edhe Zijlard.
ORA 13:28- Niset çiklisti i parë.
