Gjykata e Krimeve të Rënda ka dënuar me 15 vite burg italiani Giorgio Riformato, piloti të avionit me drogë që u kap në Divjakë.
Riformato u arrestua më 10 maj të vitit 2014 pasi avioni që ai pilotonte ngeci në rërën e plazhit në Divjakë. Në brendësi të avionit policia gjeti 460 kilogram drogë e llojit kanabis sativa.
Italiani nuk e ka pranuar akuzën, duke thënë se kishte ardhur për turizëm dhe pësoi avari. Megjithatë, gjykata ka pranuar kërkesën e prokurorisë, duke e dënuar me 15 vjet pas hekurave, për trafik ndërkombëtar droge të mbetur në tentativë.