Emri i saj i vërtetë është Candace Payne, por në internet ajo njihet si “mamaja Chewbacca”. Video e saj, në të cilën shfaqej duke veshur një maskë të karakterit Chewbacca tek “Star Wars”, është video më e famshme e momentit.
Teksa blinte dhurata për familjen, Candace pa në supermarket këtë maskë dhe vendosi ta blinte. Në momentin që u fut në makinë, Payne nisi të regjistronte veten tek vendoste maskën. Ajo që e ka bërë këtë video kaq të famshme është entuziazmi i saj. “Këtë maskë e bleva dhuratë për vete. Sigurisht që do ua jap fëmijëve të luajnë, por kjo maskë do rrijë tek dhoma ime” thotë ajo duke qeshur.
50 milionë shikimi dhe 1.4 milionë shpërndarje e kanë bërë videon e Payne më të klikuarën në të gjithë internetin. Pozitiviteti dhe kënaqësia e saj si e një fëmije e kanë bërë Payne-n tashmë personazhin e vitit. Ditën e së hënës ajo ishte e ftuar në emisionin “Late Late Show” me prezantuesin James Corden.
Burimi: Daily Mail / Përshtati: Ergisa Bejkollari
