Para ambienteve të SPAK, Zamira Durda, përsëriti sërish thirrjen e saj për drejtësisë për vdekjen e të birit në shpërthimet e Gërdecit. Këtë të mërkurë ishte seanca e radhës për dosjen “Gërdeci” në ngarkim të ish minsitrit Fatmir Mediu. Seanca u shyt sërish, këtë herë sepse mungonte prokurori i çështjes.
“Kërkoj drejtësi. Kam pritur 15 vjet, dua një përgjigjem se pse Erisonin nuk jeton. Këtë pres nga gjykata. Për sa kohë që prokuroria ka çuar vetëm këtë nga zyrtarët e lartë dhe këtë kam kërkuar, që të marrë ose fajësi ose pafajësi me këto prova”, tha nëna e 7-vjeçarit të ndjerë.
Ish ministri i Mbrojtjes, Fatmir Mediu akuzohet nga Prokuroria e Posaçme për veprën penale të “Shpërdorimit të detyrës” dhe Shpërdorim i detyrës” në bashkëpunim me subjekt ushtarak-kuadër komandues.
Hetimi i Mediut nisi pas rihapjes së çështjes nga SPAK. Ky insitucion arsyetoi se nuk ekziston asnjë pengesë ligjore për të hetuar Mediun. Çështja u denoncua në SPAK nga familja Durda, e cila pas 15 vitesh kërkon ende përgjegjës për vdekjen e djalit të tyre.
/a.r
