Aktori i Hollivudit George Clooney dhe gruaja e tij, avokatja e famshme britanike Amal Clooney janë duke pritur fëmijën e parë, sipas tabloidit amerikan OK, që ka cituar burime të afërta të çiftit të famshëm.
Aktori, i cili u martua në Venecia në shtator, njoftoi lajmin e mirë për prindërit e tij.
“Prindërit e tij, Nick dhe Nina, menduan në fillim se kjo ishte një nga shakatë e tij të shumta. Tani, ata janë të lumtur, sepse u bindën që këtë herë i biri është serioz,” ka njoftuar një burim nga rrethi i tij i ngushtë. Kur në vitin 1993 u divorcua nga Talia Balsam, Clooney u betua se kurrë nuk do të martohet dhe nuk do donte të kishte fëmijë.
Amal Clooney është një avokate e specializuar në të drejtën ndërkombëtare. Klientët e saj të fundit të njohur ishin Julia Timoshenko dhe Julian Assange. Ajo ishte këshilltare e Sekretarit të Përgjithshëm të OKB-së Ban Ki-moon. Clooney (53) është një aktor i preferuar për vëllezërit Coen dhe Steven Soderbergh dhe kohët e fundit ka filluar të merret edhe me regjisurë.
