Avokati Medlir Mema në një lidhje direkte nga SHBA për Euronews Albania tha se akuza më e rëndë ndaj ish presidentit Donald Trump, është ajo e gënjimit të autoriteteve të FBI-së.
Mema tha se nuk është e nevojshme të vërtetohet të gjitha akt-akuzat, por mjafton vetëm kjo që ai të rrezikojë 27 vite heqje lirie.
“Akuza kryesore ndaj zotit Trump, nuk është të pasurit e këtyre dokumenteve, pasi për një vit FBI-ja i ka kërkuar që t’i kthente mbrapsht, ai nuk i ka kthyer. Këtu janë dy probleme, e para që i ka ndarë këto dokumente sekrete me persona që nuk kishin autoritetin për ti parë.
Dhe e dyta, ai ka mohuar, pra ka gënjyer para autoriteteve federale, kjo është akuza më e vështirë pasi është e më e lehtë për t’u provuar. Nuk ka nevojë të vërtetohen të gjitha akt-akuzat që janë 37 akt-akuza të ndryshme dhe vetëm njëra prej tyre të provohet ai shkon 20 vite në burg”,-tha Medlir Mema.
/a.r
