Në skenën e Teatrit Kombëtar Eksperimental “Kujtim Spahivogli” u shfaq premiera e komedisë “Gënjeshtër pas gënjeshtre’të regjisorit Qendrim Rijani.
Me pjesëmarrjen e aktorëve Mehmet Xhelili, Genci Fuga, Ermira Gjata, Sotiraq Bratko, Adriana Tolka, Andi Begolli dhe Dasara Xhangolli e me skenografi të Beqo Nanaj, “Gënjeshtër pas gënjeshtre” është një vepër që është përpjekur të zbërthejë të vërteta tronditëse të cilat n’a thuhen përmes gënjeshtrave që vijnë njëra pas tjetrës, që formojnë një gënjeshtër të madhe që tek kjo veper , transmetohet nga dy policë.
Policë të cilët të udhëhequr nga paaftësia për të thënë një të “vërtetë” të dhimbëshme, transformojnë në një ngatarresë të madhe situatën po aq edhe shumë komike.
Në ‘përrallë ata erdhen për t’ju dhënë lajmin e vdekjes së vajzës së tyre një çifti pleqësh dhe karakteret e tyre “luftarak” mes të mirës dhe të keqes ku në vetëvete i ngatëron përjetimi (keqkuptimi) i çift-it të cilët mendojnë se ju ka vdekur qeni. E gjith kjo përkthehet në një lojë ndjenjash ‘mes jetës së njeriut si qen dhe jetës së një qeni si njeri.
Një linjë tjetër vjen përmes personazhit të Gronias e cila përfaqëson revolucionarët tipik që marrin mbi supe luftën ndaj të keqes shoqërore dhe të keqes që kanë marrë përsipër t’a luftojnë duke e idealizuar vetëveten duke patur po atë të keqe mbrenda vehtes.
Aty diku paraqitet edhe një prift si përfaqësues i moralit të pastër dhe mban mbi supe të gjithe imoralitetin shoqëror. Mes ngatëresash të mëdha që prodhojnë pa fund situata komike, vijnë të “fshehtat” apo të “vërtetat” e asaj që quhet apo nuk quhet dashuri e vërtetë, e një çifti që ka një jetë që jetojnë si burrë e grua.
