Genc Fuga ndodhet jashtë rrezikut për jetën. Bashkëshortja e tij, aktorja Eni Jani ka bërë një reagim të gjatë në rrjetet sociale, duke treguar mbi situatën momentale të aktorit dhe duke drejtuar një falenderim publik për të gjithë ata që e ndihmuan gjatë kësaj situate të vështirë.
“Genci, me Zotin para dhe me gjithë dashurinë e njerëzve ne të dy do kemi një rrugë të vështirë përpara, por ashtu siç duhet sepse shumë njerëz me bujarinë e tyre e kanë bërë të mundur që këtë rrugë ta kemi të përballueshme.”
Një falenderim të veçantë, aktorja iu drejton mjekëve, Ministres së Shëndetësisë, Ogerta Manastirliu dhe kryebashkiakut Erion Veliaj.
“Faleminderit Znj. Manastirliu për mbështetjen e menjëhershme dhe interesimin e vazhdueshëm. Faleminderit Z. Veliaj, edhe për mbështetjen tënde që e tregon sa herë është e nevojshme. Faleminderit pafund mjekëve duarartë Dr.Eugenit, Dr.Arbenit, Dr.Gentit dhe Dr.Vojsavës të cilët bënë mrekulli në atë situatë të vështirë të Gencit.”
Përveç angazhimit në rrjetet sociale që siguruan për aktorin 43 milionë Lekë të vjetra, një ditë më parë qeveria vendosi të mbulojë një fond me vlerë 20 milionë Lekë të vjetra për kurimin e aktorit, Genc Fuga.
/a.r
