Një 39-vjeçar me origjinë marokene, i njohur si “El Hamadi”, u gjet i vdekur në brigjet e lumit Brembo, në zonën Treviolo të provincës Bergamo. Sipas mediave italiane, ai po udhëtonte me skuter përgjatë rrugës shtetërore Briantea kur u ndalua nga policia lokale për një kontroll trafiku. Duke qenë pa patentë, atij iu sekuestrua mjeti. Dyshohet se gjatë kontrollit ai ka gëlltitur kokainë për t’i shpëtuar ndalimit, veprim ky që oficerët nuk e vunë re menjëherë.
Pas largimit, 39-vjeçari shkoi në Parkun Caglioni, pranë lumit, ku filloi të ndihej keq. Miqtë e tij tentuan t’i jepnin qumësht për ta detyruar të vjellë dhe më pas shkuan të kërkonin ndihmë në farmaci. Kur u kthyen, ai kishte ndërruar jetë.
Pasi u largua, ai u kërkoi disa të njohurve ta shoqëronin në zonën e Parkut Caglioni, përgjatë lumit Brembo, midis Treviolo dhe Curno. Atje, ai filloi të ndihej keq. Miqtë e tij, duke u përpjekur ta bënin të villte, i dhanë qumësht, por pa sukses. Pastaj u larguan për të kërkuar ndihmë në farmaci. Kur u kthyen, ai kishte vdekur.
Autoritetet italiane ende nuk kanë konfirmuar nëse do të kryhet një autopsi apo nëse është hapur hetim penal për ngjarjen, ndërsa rrethanat e sakta të vdekjes dhe përpjekjet e shpëtimit mbeten për t’u sqaruar.
