Sekretari i Përgjithshëm i Partisë Demokratike, Gazment Bardhi, ka deklaruar mbrëmjen e sotme në emisionin “Opinion” se ditën e protestës së 8 Janarit ka pasur informacion se godina mund të përfshihej në flakë.
“Ka pasur një informacion se godina mund të përfshihej në flakë, ka pasur informacione të besueshme se mund t’i vihej flaka godinës”, tha Bardhi.
Më tej numri dy i PD shtoi se personat që kanë përdoret fikëset e zjarrit nuk kanë qenë të trajnuar për ta bërë një gjë të tillë.
“Nuk ka patur përgatitje apo mendim se do të përdoreshin fikëset e zjarrit. Nuk kishte një mendim që do të përdoreshin fikëset e zjarrit. Bombolat e zjarrit janë përdorur në mënyrë spontane. Atë ditë kishte më shumë fikëse zjarri se kishte informacione se mund të kishte zjarrvënie”, shtoi ai.
/a.r
