Partia Demokratike ka dorëzuar zyrtarisht në Kuvend kërkesën për shkarkimin e Presidentit të Republikës, Bajram Begaj, duke e akuzuar për shkelje të Kushtetutës dhe tejkalim të kompetencave të tij. Kërkesa, e firmosur nga grupi parlamentar i PD-së, është depozituar në Kuvend të mërkurën, duke hapur kështu një proces që pritet të ngjallë debat të fortë politik në javët në vijim.
Në dokumentin e paraqitur, demokratët argumentojnë se Presidenti Begaj ka “cenuar ndarjen e pushteteve dhe ka vepruar në kundërshtim me parimet themelore të Kushtetutës së Republikës së Shqipërisë”. Sipas PD-së, kreu i shtetit ka ndërhyrë në mënyrë të papërshtatshme në çështje që janë ekskluzivisht në kompetencën e qeverisë dhe Kuvendit.
“Presidenti ka treguar qëndrime publike që tejkalojnë rolin e tij institucional dhe kanë krijuar tensione të panevojshme ndërmjet institucioneve të shtetit”, thuhet ndër të tjera në kërkesë. Po ashtu, PD pretendon se Begaj ka shkelur detyrimet e tij si garant i unitetit të popullit, duke u pozicionuar në mënyrë të njëanshme në çështje të rëndësishme politike.
Kërkesa e demokratëve është shoqëruar me argumente ligjore dhe citime nga Kushtetuta, ku theksohet se Kuvendi, me shumicën e tri të pestave të të gjithë anëtarëve, mund të vendosë shkarkimin e Presidentit në rast se konstatohet shkelje e rëndë e Kushtetutës. Pas depozitimit, çështja pritet t’i kalojë për shqyrtim Komisionit të Ligjeve dhe më pas Gjykatës Kushtetuese, e cila do të japë vendimin përfundimtar mbi vlefshmërinë e pretendimeve.
Procesi për shkarkimin e një Presidenti është ndër më të ndërlikuarit në rendin kushtetues shqiptar, dhe në historinë e pluralizmit, asnjë procedurë e tillë nuk ka përfunduar me sukses në Gjykatën Kushtetuese. Megjithatë, dorëzimi i kësaj kërkese e vendos sërish institucionin e Presidentit në qendër të debatit politik.
Kreu i grupit parlamentar të Partisë Demokratike Gazment Bardhi ka dalë në një deklaratë për mediat këtë të mërkurë, 15 tetor, ku ka deklaruar se kanë kërkuar nga Kuvendi sot, fillimin e procedurave parlamentare për shkarkimin e presidentit të republikës Bajram Begaj.
Sipas tij, presidenti Begaj ka konsumuar 7 shkelje kushtetuese të rënda.
“Pas një analize shteruese të provave, fakteve, Kushtetutës së Shqipërisë, legjislacionit të brendshëm dhe jurisprudencës së Gjykatës Kushtetuese nga ekspertët ligjorë të Grupit Parlamentar të Partisë Demokratike, kemi arritur në konkluzionin se Presidenti i Republikës Bajram Begaj ka konsumuar 7 shkelje të rënda të Kushtetutës dhe Ligjit, të cilat përbëjnë shkaqe të mjaftueshme për shkarkimin e tij nga detyra”, shtoi Bardhi.
Shtatë shkeljet e Begajt sipas PD-së:
Shkelja e parë, dekretimi i zgjedhjeve në Tiranë, pavarësisht ankimimit të Erion Veliajt.
Shkelja e dytë, ka ndërhyrë në çështjen e mandatit të gjyqtarëve të Gjykatës Kushtetuese.
Shkelja e tretë, ka dekretuar ligjin për ndryshimet në ligjin bazë për komisionet hetimore.
Shkelja e katërt, ka dekretuar një ministre virtuale, Diellën.
Shkelja e pestë, ka lejuar përfshirjen e trupës diplomatike në zgjedhjet e 11 Majit 2025.
Shkelja e gjashtë, ka ndërhyrë përmes kabinetit të tij në procesin zgjedhor.
Shkelja e shtatë, dha tendera për interesa personale, për kompaninë ku ishte i punësuar i biri.
far eshte ky tip politikani qe i akuzon te gjitge dhe kerkon dhe direheqeq! e presidentit se gjoja keshtu ka shkelur kushtetuten. Si durohet ky tip qe nuk eshte zgjedhur nga populli por nga servilizmi ndaj Berishes !
Sic nuke eshte zgjedhur,i quajturi presidente,edhe ky bytheci i k/hajdutit eshte i emruar,eshte si nji vegel,e pa vlere,se meriton kyte emer.Ky shkele kushtetuten,sa here e urdheron k/hajduti,mashkull i dobet,i pa karakter.